WIKA NG PAGKAKAISA

WIKA NG PAGKAKAISA

Mahigit 333 taong pang-aalipin at dahas ng mga dayuhan sa mga Pilipino. Napakahabang panahon ng paglukluksa at paghihirap. Ngunit, nag-iba ng ihip ng hangin, nagka-isa’t nagtulungan ang mga Pilipino para maghimagsik makamit lang ang lubos na kalayaan. PAGKAKAISA! Sigaw ng bawat Pilipino sa ikakaunlad ng bawat isa lalong-lalo na sa ating bansa.

Kakaiba sa lahat ang Perlas ng Silanganan, ang ating bansa. Saan man sulok ng bansa, dala-dala ng mga Pilipino ang wikang Filipino.  Pagkakaisa ang susi ng Lahat. Lahat ng mga hindi pagkakaunawaang bagay at mga pagsubok. Wikang Filipino ang siyang nagpapatatag sa lahat. Ito ay nagsisilibing sandata saan man tumungo. Taas noong ipinagmamalaki ang ating sariling wika. Iisang layunin, ito ay ang tatahakin ang makabago at tuwid na landas. Isang paraan ng pagkakaisa ay ang BAYANIHAN. Binibigyang halaga ang ating kapwa sa anumang oras ng pangangailangan. Bawat isa’y nagtutulungan tungo sa ikakaunlad ng ating basa.

Sabi nga nila”Walang taong nabubuhay na nag-iisa”Angt kapwa ang siyang sandigan at tumutulong sa atin. Tayo’y magtutulungan at magkakaisa sa anumang gawain gamit ang ating sariling wika. Ipadama ang tunay na kahulugan ng PAGKAKAISA.